Wayne Rooney kaloi shumë vite duke luajtur me Cristiano Ronaldon te Manchester Unitedi, por ai duhej të pranonte që Lionel Messi është më i mirë se ylli portugez.
Rooney dhe Ronaldo ishin të papërballueshëm gjatë periudhës së tyre si partner te Unitedi dhe me gjithë një përçarje të shkurtër pas Kupës së Botës 2006, dyshja sulmuese mbeten miq të mirë jashtë fushës.
Megjithatë, përkundër lidhjeve të tij me superyllin e Juventusit, golashënuesi rekord i Anglisë nuk mund të anashkalonte shkëlqimin e Messit, për të cilin ai ka zgjedhur fjalët më të mira.
Ylli anglez në debatin se cili është më i mirë, Ronaldo apo Messi, ka zgjedhur argjentinasin e Barcelonës.
“Ronaldo nuk ishte aq i përqendruar në gola kur filluam të luanim së bashku, por ju mund të shihni se gjithçka që ai dëshironte ishte të ishte lojtari më i mirë në botë”, ka thënë fillimisht Rooney për Sunday Times.
“Ai stërviti e stërviti dhe filloi të prodhojë. Cristiano është bërë një golashënues i jashtëzakonshëm dhe ai dhe Messi janë padyshim dy lojtarët më të mirë që futbolli ka parë”.
“Ronaldo është i pamëshirshëm në zonë, një vrasës. Por, Messi do t’ju torturojë para se t’ju vrasë”.
“Me Messin thjesht merrni përshtypjen se ai po argëtohet më shumë. Ata të dy kanë ndryshuar plotësisht lojën në drejtimin e numrave të golave dhe unë nuk dua të mendoj se do të barazohen ndonjëherë”, përfundoi anglezi.