Njerëzit me Covid-19 pa simptoma mund të bartin të njëjtën sasi virusi si ata me simptoma, tregon një studim i Koresë së Jugut.
Koreja e Jugut ishte në gjendje të identifikojë dhe izolojë rastet asimptomatike përmes testimit masiv qysh në fillim të marsit.
Ekzistojnë dëshmi që këto raste paraqesin një pjesë të konsiderueshme të infeksioneve me koronavirus. Por studiuesit nuk ishin në gjendje të thonin se sa shumë nga këta njerëz kaluan virusin.
Disa njerëz pozitiv me covid u monitoruan në një qendër duke lejuar shkencëtarët të vëzhgonin se sa prej virusit ishte i zbulueshëm në hundët dhe grykët e tyre.
Atyre iu dhanë teste të rregullta dhe ikën vetëm pasi të ishin negative.
Rezultatet e 1.886 testeve sugjerojnë që njerëzit pa simptoma në kohën e testit, përfshirë ata që nuk vazhdojnë të shfaqin simptoma, kanë të njëjtën sasi të materialit viral në hundën dhe fytin e tyre si njerëzit me simptoma.
Studimi tregoi gjithashtu se virusi mund të zbulohej te njerëzit asimptomatikë për periudha të konsiderueshme kohore – megjithëse ata dukej se e pastrojnë atë nga sistemet e tyre pak më shpejt se njerëzit me simptoma.