Ilaçi që po i shpëton pacientët me COVID-19 nga vdekja

Ramiprili, një medikament që përshkruhet për mirëmbajtjen e nivelit të shtypjes së gjakut në trup, sipas një hulumtimi, po redukton rrezikun nga vdekja te pacientët me Covid-19

Akademikët britanikë mësuan se pacientët me koronavirus që po merrnin tretman në njësi të kujdesit intensiv, të cilëve iu përshkrua medikamenti në fjalë, kishin 33 për qind gjasa më pak të vdisnin nga komplikimet e virusit, shkruajnë mediet britanike.

Sidoqoftë, ekspertët shëndetësorë nuk arritën të gjenin ndonjë përfitim shtesë që sillte medikamenti te pacientët me virusin korona që nuk kishin shtypje të lartë të gjakut. Ekspertët britanikë thanë se nevojiten më shumë hulumtime për të vërtetuar këtë hipotezë shkencore.

Studiuesit në Universitetin e Anglisë Lindore bashkuan të dhënat nga studimet e mëparshme që kontrollonin gjendjen e 28.872 pacientëve në spital. Studimi tregoi se pacientët me shtypje të lartë të gjakut kishin 33 përqind më pak të ngjarë të vdisnin ose të vendoseshin në ventilator nëse merrnin medikamentin.

Hulutmimi, i botuar në revistën shkencore ‘Atherosclerosis Reports’, është më i gjerë dhe më i detajuar deri më tani.