Nuk është ilaç, nuk është ushtrim, madje as buzëqeshje. Ju mund të habiteni se çfarë ndihmon më shumë kur jemi nën stres.
Dëshironi të dini sekretin e jetës pa dhimbje koke dhe lëvizje nervore të këmbëve? Në vend të një buzëqeshje, një filxhan kafe të mirë dhe këshilla të ngjashme, një shkencëtar japonez pohon se do të ishte më së miri të qani.
“Akti i të qarit është shumë më efektiv në lehtësimin e stresit sesa të qeshurit ose të fjeturit”, tha Hudefimi Yoshida.
Dëgjimi i muzikës së trishtuar, shikimi i filmave të tillë dhe leximi i librave me përmbajtje të ngjashme sjellin përmirësime të ndjeshme në shëndetin mendor, duke stimuluar aktivitetin nervor parasimpatik, i cili ngadalëson pulsin dhe ka një efekt qetësues në mendjen tonë.
“Nëse qan një herë në javë, mund të jetosh pa stres”, tha Yoshida.
Yoshida më parë ishte një mësuese e shkollës së mesme, por në 2014, së bashku me Profesor Hidejo Arita nga Shkolla e Mjekësisë në Universitetin Tokio në Tokio, ata iu përkushtuan studimit të stresit dhe vendosën të fillojnë një seminar për t’u shpjeguar njerëzve të gjitha përfitimet e të qarit.
Ata nuk janë të parët që merren me këtë temë. Në 1981, Dr. William Frey i Universitetit të Minesotës zbuloi në një studim që e qara çliron endorfinë, e cila gradualisht përmirëson gjendjen tonë shpirtërore, ndërsa një studim i vitit 2008 me më shumë se 3,000 njerëz zbuloi se ne ndjeheshim shumë më mirë në situata të vështira. kur qajmë mirë.