Të paktën 20 studentë kanë humbur jetën nga zjarri në një konvikt të shkollës së mesme në Guajana në Amerikën e Jugut, ndërkohë disa të tjerë kanë mbetur të plagosur.
Sipas autoriteteve guajane bërë me dije për mediat e huaja mësohet se zjarri nisi pas mesnate në shkollën që u shërben kryesisht studentëve indigjenë nga mosha 12-18 vjeç. Në një deklaratë për mediat Këshilltari i Sigurisë Kombëtare, Gerald Gouveia, tha se ishte ende herët për të bërë të ditur se çfarë e kishte shkaktuar zjarrin, duke theksuar se stuhitë e forta në atë zonë vështirësonin punën për zjarrfikësit të cilët po përpiqeshin të neutralizonin flakët nga ajri.
“Ishte një betejë për ne. Pilotët ishin shumë të guximshëm, shumë të vendosur”, tha ai.
Qeveria e Guajanës ka bërë me dije se disa studentë të tjerë po marin trajtim mjekësor për djegie në qytetin kufitar Mahdia, ndërsa gjashtë të tjerë janë dërguar 200 milje larg në kryeqytetin Gorgetoën. Ndërkohë, lidhur me këtë ngjarje ka reaguar edhe presidenti i Guajanas, Irfaan Ali, i cili i shprehu ngushëllime prindërve të nxënësve që humbën jetën.
“Ky është një incident i tmerrshëm. Është tragjik. Është e dhimbshme. Nuk mund ta imagjinoj dhimbjen e prindërve tani, kjo është një fatkeqësi e madhe”, tha ai.